E' MIRÈCLI 'D SANT'ANTONÌ

Foto di Giancarlo Frisoni (https://www.giancarlofrisoni.it/)

Sant'Antoni de' baghèn,
ho da banadì ste pèn,
ch' avreb fe' un zert imbroij
ma cla rospa dla mi moij.
S’ èl ch' a gì? La n' è un nimèli?
Ch' a n' matésa gnènc a dèilì?
Mo sant'öm, fasim pruvè.
Péz ad csè la n' pò dvantè!
Pansì un pô’: özz, ch’ l’è dè 'd fèsta,
la n' ha fat gnènc la minestra,
e par impinìm la pènza
ho magnè 'na melarènza.
Miga ch' epa l'ambizón
d' fé e’ bród gras cun e’ capón!
Du' radecc, un môrs ad pida
e la tèvla l'è imbandida.
Mo lia, gnènt! La n' ha mai temp,
ch' u i avnéss un azident!
Tôt e' dè la fa sò e zò
cun e' did sóra e' Smartfón.
Dlin, dlin, dlin, che fat bagài
sóna, sóna e un s’ la smet mai.
Boia te e chi l'ha invantè,
ch' e' putes murì invalnè!
Pardunì l'imprecazión,
mo s' hai pens a j'ho e' magón,
ch' a la cnoss ch' l'era babina,
bôna cmè 'na madunina.
Ôra, cun tôt ste prugres
la ha fat un gran regres.
E' su' côr l'è dvantè töst
cmè al culoni dl'Èrch d'Augöst.
E s' la ved un quèl ch' la vô,
sta tranquél che la se tô.
Tanimodi, i su’ quatrèn
i ven da e' mi' bascuzèn.
Sant'Antonì, fa e' mirècli,
ch' a v'azénd un pêr ad möcli:
cun la vösta vérga nigra,
trasfurméla in t'una pigra!
Par lo mènc, s' l'avrà dal voij,
a i farò magnè dal foij.
E ve zur, parôla mia:
la m' farà piò cumpagnia!

Valentino "Tinìn" Calbucci
Rimini, 15/01/2018

IL MIRACOLO DI SANT'ANTONIO
Sant'Antonio del maiale/devo benedire questo pane/che vorrei fare una stregoneria/per
quel rospo di mia moglie. Cosa dite? Non è un animale?/Che non stia nemmeno a
darglielo?/ Ma sant'uomo, fatemi provare./Peggio di così non può diventare! Pensate un
po’: oggi, ch’è giorno di festa/non ha fatto nemmeno la minestra/e per riempirmi la
pancia/ho mangiato un'arancia. Mica che abbia l'ambizione/di fare il brodo grasso col
cappone! Due radicchi, un morso di piadina/e la tavola è imbandita. Ma lei, niente! Non ha
mai tempo/che le pigliasse un accidente!/Tutto il giorno fa su e giù/con il dito sullo
Smartphone. Dlin, dlin, dlin, quel fatto aggeggio/ suona, suona e non se la smette
mai./Mannaggia a te e a chi l'ha inventato/che potesse morire avvelenato! Perdonate
l'imprecazione/ma se ci penso ho il magone/che l'ho conosciuta che era bambina/buona
come una madonnina. Ora, con tutto sto progresso/ha fatto un gran peggioramento./Il suo
cuore s'è indurito/come le colonne dell'Arco d'Augusto. E se vede qualcosa che vuole/sta
certo che se lo prende./Tanto, i suoi soldi/vengono dalla mia tasca. Sant'Antonio, fate il
miracolo/che vi accendo un paio di ceri:/col vostro scuro bastone/trasformatela in una
pecora! Per lo meno/se avrà delle voglie/le farò mangiar delle foglie./E ve lo giuro, parola
mia:/mi farà più compagnia!